Të paktën shtatë fëmijë mes moshës 12 dhe 17 vjeç u plagosën nga të shtënat e mbrëmshme në qendër të Indianapolis, ku ishte mbledhur një grup i madh, u tha nga policia.
Siç raporton CNN, policët ishin në patrullë kur dëgjuan “disa të shtëna” pranë qendrës tregtare Circle, u theksuar nga departamenti i policisë metropolitane të Indianapolis, transmeton Telegrafi.
“Ata nxituan në vendngjarje për të gjetur një grup të madh të miturish, duke përfshirë gjashtë me plagë me armë zjarri”, u tha gazetarëve të dielën në mëngjes zëvendës shefja e policisë së Indianapolis, Tanya Terry.
Të gjithë fëmijët e plagosur u dërguan në spitalet lokale dhe i shtati mbërriti më vonë në një spital të zonës, tha Terry, duke shtuar se të gjitha viktimat janë në gjendje të qëndrueshme.
Është e paqartë se çfarë çoi në të shtënat apo sa njerëz hapën zjarr. Asnjë i dyshuar nuk është në paraburgim që nga mëngjesi i së dielës.
“Është jashtëzakonisht shqetësuese për ne që kaq shumë nga të rinjtë tanë kanë qenë viktima të dhunës me armë këtë mbrëmje. Edhe një herë, ne kemi një situatë ku të rinjtë po e zgjidhin konfliktin me dhunë dhe kjo duhet të ndalet”, shtoi Perry. /Telegrafi/