Të shtëna me armë zjarri janë raportuar këtë të shtunë në Shkodër në lagjen “Partizani”.
Sipas informacioneve të siguruara nga policia dyshohet se është qëlluar në drejtim të një automjeti, Land Roveri në pronësi të Sokol Kajoshit.
Ndërkohë për fat të mirë bëhet me dije se nuk ka njerëz të lënduar.
Policia ka mbërritur në vendngjarje, ndërsa ende nuk dihet se kush kanë qenë autorët, raporton euronews.al.
Njoftimi i policisë:
Rreth orës 12:30, në lagjen “Partizani”, dyshohet se është qëlluar me armë zjarri në drejtim të një automjeti “Land Rover” në lëvizje, në pronësi të shtetasit S.K.
Nga të shtënat nuk ka persona të lënduar.
Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
Grupi hetimor në drejtimin e Prokurorisë po punon për zbardhjen e rrethanave, sigurimin e provave me qëllim identifikimin dhe kapjen e autorit/ve, dhe dokumentimin ligjor të rastit.