Një varg incidentesh të kohëve te fundit kanë ngjallur shqetësime në rrethin e ngushtë të Cara Delevingnes, me disa nga miqtë që i kërkuan yllit të shkonte në rehabilitim.
Mirëqenia e Delevingne është bërë një temë shqetësuese për ata që janë më afër yllit.
Sipas burimeve për TMZ, miqtë thonë se artistja duhet të shkojë në një rehabilitim pasi po lufton me shëndetin mendor e po ashtu edhe me problemet e abuzimit me substancat.
“Po flitet për organizimin e një lloj ndërhyrjeje dhe për t’u siguruar që Cara të marrë ndihmën që mund të ketë nevojë”, tha burimi i brendshëm për TMZ.
Kjo duket të ketë nisur që në mars, kur biondja ishte parë e dehur në një festë në New York.
30-vjeçarja ka bërë të flitet nëpër tabloidet ndërkombëtare pasi ishte parë në gjendje të çrregullt në aeroportin Van Nuys të Los Angelesit.
Sipas raportit të TMZ, Margot Robbie, e cila luajti me Delevingne në filmin “Suicide Squad” u fotografua duke dalë nga shtëpia e Delevingne në lot, me incidentin që tregonte më tej se gjithçka mund të mos ishte mirë.
Për gjendjen e aktores janë shqetësuar edhe familjarët, teksa ditë më parë motra e saj, Poppy, ishte parë duke shkuar në shtëpinë ku jeton Cara.
Një mik i familjes deklaroi më parë: “E gjithë kjo është shumë shqetësuese. Cara ka qenë e hapur për problemet e saj të shëndetit mendor në të kaluarën”.
“Ajo vjen nga një familje shumë e mirë dhe natyrisht, ata do të mblidhen dhe do të bëjnë gjithçka që duhet për ta ndihmuar”. /Telegrafi/
