Sot është dita e fundit kur Kuvendi i Maqedonisë duhet ta vazhdojë seancën konstituive, të zgjedhë kryetarin e saj, dhe të shpallë zgjedhjet lokale, që duhet të mbahen në javën e parë të muajit maj të këtij viti, përcjell Telegrafi Maqedoni.
Sipas Ligjit për zgjedhje, nga dita e shpalljes, e deri te dita e mbajtjes së zgjedhjeve lokale nuk duhet të kalojnë më shumë se 90 ditë, e as më pak se 70 ditë.
Të drejtën për shpalljen e zgjedhjeve e ka vetëm kryetari i Kuvendit të Maqedonisë që është votuar nga më së paku 61 deputetë të përbërjes së tanishme parlamentare./Telegrafi/