Vila e trafikantit të drogës në Kolumbi Pablu Eskobar do të shembet dhe aty do të ndërtohet një park në nder të viktimave.
Ky është vendimi që është marrë nga kryetari i bashkisë së qytetit në Medellín, Federico Gutiérrez, përcjell oranews.tv.
Iniciativa, e cila vitin e kaluar u propozua nga kryetari i bashkisë, do të materializohet falë Shoqërisë së Aseteve Speciale (SAE) që do ta dorëzojë ndërtesën në polici, e cila lejon rrënimin e saj, i tha Gutierrez mediave.
“Ky simbol i së keqes, i paligjshmërisë, duhet të shkatërrohet dhe duhet të ndërtohet një park për nder të viktimave”, tha kryebashkiaku.
Gjatë luftës së karteleve të drogës në Kolumbi, në periudhën 1989-1993, janë vrarë të paktën 5.000 njerëz.
Shembja e vilës Monaco Apartman, do të thotë edhe fundin e turneve turistike, të cilat u kanë ofruar turistëve të mësojnë më shumë mbi jetën e Escobarit, të vrarë në vitin 1993.