Ende nuk ka ilaçe për pacientët me sëmundjen e rrallë Wilson në Maqedoni. Më shumë se tre muaj janë pa terapinë e duhur, me të cilën rregullohet procesi i hedhjes së bakrit nga organizmi. Nëse bakri lëshohet më tepër në trup, ata mund të vdesin apo të shkaktojë pasoja të papërmisuara, varësisht prej shëndetit nëse do t’i godet mushkëritë e zeza, në tru apo në sy, përcjell Telegrafi Maqedoni.
Ministria për Shëndetësi, muajin e kaluar pohoi se dhjetëra pacientë me sëmundjen e Wison kanë ngelur pa terapi. Nga MSH thanë se ilaçet do t’i sigurojnë me import ndërhyrës dhe se për dhjetëra ditë do të arrijnë te pacientët.
”Javën e kaluar kemi kërkuar informacione nga Ministria e Shëndetësisë, e cila e blen për të gjitha sëmundjet e rralla përmes programit të veçantë, pse ende nuk ka ilaçe. Na thanë se Këshilli për prokurorime publike nuk e ka miratuar tenderin dhe e ka kthyer në përpunim. Më shumë se tre muaj nuk ka terapi”, tha Maja Aleksievska-Dimiq, kryetare e Shoqatës qytetare për persona me sëmundjen e rrallë, Wilson-Maqedoni.
Nga Këshilli për prokurorime publike thonè se tenderi është kthyer për bashkëpunim, sepse ka pasur tre mendime negative dhe një sërë vërejtjesh.
Të dielën në Shkup do të mbahet gara e tretë humanitare ‘Shtrije dorën’, e cila e organizon Shoqata qytetare për persona me sëmundjen e rrallë Wilson-Maqedoni. /Telegrafi/