Rinia e fshatit Dobrosht me një iniciativë të përbashkët ka mbyllur bastoret që gjenden në fshat dhe kanë bërë apel që në të ardhmen bashkëfshatarët të mos mundësojnë që lokalet të jepen me qira për këtë veprimtari, njofton Telegrafi Maqedoni.
”Nismës së aksionit të bashkësisë lokale dhe forumit rinor për mbylljen e bastoreve sportive sot ju bashkagjitën shumë qytetarë, këshilli i dy xhamive si dhe imamët e xhamive të fshatit Dobrosht, dhe u mbyllën bastoret sportive në Dobrosht, me shpresë që asnjëherë nuk do të hapen të tilla. Apelojmë tek të gjithë dobroshtlinjt që në të ardhmen mos t’i japin lokalet e tyre për veprimtari të dëmshme. Me respekt Forumi Rinor Dobrosht.” thuhet në njoftim të Forumit rinor të këtij fshati. /Telegrafi/
