Të premten në Kosovë, gjashtë persona kanë vdekur si pasojë e pandemisë COVID-19, si dhe 103 persona janë infektuar gjatë 24 orëve të fundit.
Kjo u bë e ditur në një konferencë për media e Ministrisë së Shëndetësisë dhe përfaqësuesve të institucioneve tjera.
Ministri i Shëndetësisë, Armend Zemaj tha se në funksion të ballafaqimit me pandeminë, kanë themeluar bordin për licencimin e institucioneve private për testime të COVID-19.
Ai po ashtu përmendi edhe sigurimin e rreth 500 mijë testeve të dhuruara nga UNDP dhe Organizata Botërore e Shëndetësisë.
Ndërkaq për shkak të mos respektimit të masave kundër virusit, policia për katër ditë, ka gjobitur 387 persona fizikë, 29 persona juridik dhe janë lëshuar 371 vendime për izolim.
Që nga fillimi i pandemisë, deri më 16 korrik numri i viktimave në vendin tonë ka arritur në 124./Telegrafi/