Të premten grupe të ekspertimit të godinave do të paraqesin për publikun informacione të sakta rreth dëmtimeve të godinave nga tërmeti.
Në mbledhjen e jashtëzakonshme të qeverisë, Rama tha se ekspertët do të bëjnë një panoramë të qartë për qytetarët se nga cilat dëmtime të godinave duhet të shqetësohen vërtet.
“Ata që duan informacion të sigurtë dhe të vërtetë ditën e premte përfaqësues të grupeve të ekspertimit të godinave do të paraqesin për publikun informacione dhe raste konkrete tipologji të ndryshme ndërtimesh për të shpjeguar nga çfarë duhet të kihet dhe nga çfarë nuk duhet të kihet shqetësim.
Të premten kjo do të jetë një mundësi për të gjithë për të ndjekur nga goja e atyre që e dinë se çfarë flasin të vërtetat e kësaj situate. Ju bëj apel mediave që të përpiqen sa është e mundur të adresojnë pyetjet e tyre në këto grupe, ti kërkojnë dhe ti pyesin”, ka deklaruar Rama. /Oranews/