Të paktën tre persona u plagosën në një sulm me thikë në metro në qytetin lindor francez të Lionit të dielën, tha policia, duke shtuar se një sulmues u arrestua.
Më vete, prokurori publik i Lyonit, Thierry Dran i tha AFP se sulmi la katër persona të plagosur, duke shtuar se jeta e tyre nuk ishte në rrezik, përcjell Telegrafi.
Një burim policor i tha AFP se dy nga viktimat u plagosën në bark dhe një i treti në krah.
Një hetim filloi për “vrasje të mbetur në tentativë”, thanë prokurorët.
“Policia kombëtare mori në pyetje një individ pas një sulmi me thikë pranë stacionit të metrosë Jean-Jaures në Lyon”, ka thënë prefektura Auvergne-Rhône-Alpes në X.
“Tre viktima po trajtohen nga shërbimet e urgjencës”, shtoi prefektura e qarkut.
Incidenti ndodhi rreth orës 14:40 në linjën B, pranë Place Jean-Jaures në lagjen e 7-të të qytetit, sipas një burimi policor.
Ndërkohë bëhet e ditur se i dyshuari është dërguar në mbajtje. /Telegrafi/