Një aksident i madh trafiku ndodhi pranë stacionit të bashkisë së Seulit në Jung-gu, Seul, duke vrarë të paktën nëntë këmbësorë dhe duke lënduar katër të tjerë.
Sipas Agjencisë Kombëtare të Zjarrfikësve, një automjet ka dalë në trotuar në një kryqëzim pranë daljes 12 të stacionit të Bashkisë rreth orës 21:26, duke goditur këmbësorët që prisnin të kalonin rrugën, shkruajnë mediat e huaja, përcjell Telegrafi.
Sipas deklaratave të disa dëshmitarëve, automjeti raportohet se ishte duke lëvizur prapa në momentin e aksidentit.
Policia arrestoi në vendngjarje një burrë rreth të 70-tave.
[정보/소식] 서울 시청역 사고 현장 사진 (Photos of the accident scene at Seoul City Hall Station) https://t.co/cfcoE59zW4 pic.twitter.com/0ISM8kblIq
— 인스티즈(instiz) (@instiz) July 1, 2024
Mësohet se drejtuesi i mjetit pretendon se aksidenti është shkaktuar nga një përshpejtim i papritur i mjetit.
Policia po heton për rrethanat e sakta të aksidentit.
“Një shofer mashkull rreth të 70-tave besohet se ka goditur këmbësorët që prisnin në semafor”, tha një zyrtar i policisë, duke shtuar se numri i viktimave mund të rritet. /Telegrafi/