AIM bën të ditur se në Agjencinë e Punësimit do të promovohet sot fillimi i zbatimit të projektit të vetëpunësimit përmes kreditimit, përcjell Telegrafi Maqedoni.
Bëhet fjalë për masë punësimi për personat e papunë që kërkojnë punësim dhe që dëshirojnë të fillojnë afarizmin e tyre. Këtyre personave do t’u mundësohet kredi e volitshme dhe do të hapen vende pune në sferën e bujqësisë, tregtisë, industrisë së përpunimit, ndërtimtarisë, veprimtarive shërbyese, etj.
Detaje për projektin do të jepen nga drejtori i Agjencisë, Vllatko Poposki./Telegrafi/