‘Rruga drejt sundimit të mirë’ është tema e konferencës përfundimtare në kuadër të projektit ACTION Vishegrad SEE-Përgjegjësi, teknologji dhe rrjet i transparencës institucionale në Evropën Juglindore, përcjell Telegrafi Maqedoni nga AIM.
Në kuadër të konferencës do të promovohet plani për zbatimin e parimeve të sundimit të mirë në vendet e Ballkanit Perëndimor-‘Rruga drejt sundimit të mirë’.
Konferenca do të mbahet me dy panele diskutimi me temë ‘Praktikat e mira nga rajoni i Grupit të Vishegradit dhe nga Ballkani’ dhe ‘Qasa drejt të dhënave dhe hulumtime për sundim të mirë’.
Do të merr pjesë Christine D. Althauser, ambasadore e Gjermanisë në Maqedoni, ambasadori i Polonisë në Maqedoni, përfaqësues të projektit nga Grupi i Vishegradit: Çekia, Sllovakia, Hungaria dhe Polonia, si dhe përfaqësues të organizatave partnere qytetare nga vendet e Ballkanit: Maqedonia, Mali i Zi, Bosnja e Hercegovina dhe Serbia. /Telegrafi/