Trajneri i Real Madridit, Zinedine Zidane, ka dhënë deklaratën e tij para finales së madhe ndaj Atletico Madridit që zhvillohet të shtunën mbrëma.
Në konferencën për shtyp që zhvillohet aktualisht në San Siro tekniku francez u përgjigj në pyetjet për finalen e nesërme, shkruan Telegrafi.
Ai u pyet se çka do të kishte menduar nëse dikush do t’i kishte thënë se sot do të ishte duke drejtuar Realin në finalen e Ligës së Kampionëve.
“Natyrisht se do të ndihesha çuditshëm. Eshtë finale e madhe dhe ne kemi punuar shumë për të ardhur deri këtu. Ne kemi bërë punë të madhe dhe me meritë jemi këtu”, potencoi Zidane.
Ai u pyet konkretisht edhe nëse do të ishte dështim sezoni i Realit nëse pëson humbje nga Atletico në finalne.
“Nuk do të ishte dështim nëse do të pësonim humbje. Por, jemi një ndeshje larg, andaj pa dyshim se duhet të fitojmë. Në finale nuk ka favorit”, potencoi Zidane. /Telegrafi/