Ka kohë që Real Madridi nuk e ka nisur më keq sezonin në garën më të madhe evropiane për klube, Ligën e Kampionëve.
Në pesë ndeshjet e para në ‘Champions’, Los Blancos kanë marrë vetëm dy fitore dhe kanë pësuar tre disfata.
Lille, Milan dhe së fundmi Liverpool u përkujdesën për t’i mposhtur kampionët e Evropës, të cilët kanë triumfuar ndaj Stuttgartit dhe Dortmundit.
Real Madridi aktualisht zë vendin e fundit (24) që i dërgon në ‘Play-Off’, derisa kanë mbetur edhe tre ndeshje për t’u luajtur.
🚨⚪️ Carlo Ancelotti: “Remember that Real Madrid WILL be in Champions League final, in Munich”.
“We will be there”, his message sent to @ellarguero via Alberto Cerruti. pic.twitter.com/HlhO7Hc20C
— Fabrizio Romano (@FabrizioRomano) November 29, 2024
Megjithatë Carlo Ancelotti përkundër këtij fillimi të vështirë beson se skuadra e tij do të luaj në Munich, në finalen e Ligës së Kampionëve.
“Mos harroni se Real Madridi do të jetë në finalen e Ligës së Kampionëve në Munich”.
“Ne do të jemi atje”, ishte mesazhi që Ancelotti i ka dërguar Alberto Cerrutit për emisionin Ellaguero. /Telegrafi/