Gjatë muajit ndërgjegjësues ndaj kancerit të gjirit në qytetin e Mitrovicës janë bërë aktivitete të ndryshme, e të njëjtat janë duke vazhduar ende.
Në mesin e tyre janë edhe aktivitetet kulturore, siç janë shfaqjet teatrale, shkruan Telegrafi.
Të hënën, më 21 tetor të këtij viti, në orën 16:00, do të jepet shfaqja “Fustani rozë” në sallën e muzeut të qytetit.
Sipas njoftimit të Drejtorisë për Kulturë, Rini dhe Sport (DKRS) në Komunën e Mitrovicës, kjo shfaqje tregon betejën e një vajze të re me sëmundjen e kancerit të gjirit, duke theksuar kështu rolin vendimtar të diagnostikimit të hershëm.
“Shfaqja “Fustani rozë”, tregon historinë e një vajze të re dhe betejën e saj me sëmundjen e kancerit te gjirit, shfaqja thekson rolin vendimtar të diagnostikimit të hershëm, duke nënvizuar rëndësinë e mbështetjes, mirëkuptimit dhe ndërgjegjësimit në rrugën drejt shërimit”, thuhet në njoftimin e DKRS-së.
Sipas njoftimit, ku prezantim është mundësuar në bashkëpunim me Drejtorinë për Shëndetësi të Komunës së Mitrovicës. /Telegrafi/
