Klubi i madh anglez, Manchester Unitedi po forcon interesin e tij për sulmuesin e Evertonit, Dominic Calvert-Lewin .
Calvert-Lewin ka ‘admirues’ të mëdhenj në Old Trafford për aftësitë e tij sulmuese, veçanërisht ‘duelet ajrore në lojë të hapur, pranimet në zonë dhe gjuajtjen’.
Dhe kjo ka treguar statistikat kryesore, me 23-vjeçarin që shënoi më shumë gola pa penallti në Ligën Premier këtë sezon, duke gjetur rrjetën 11 herë.
Ylli i Evertonit gjithashtu gjendet i 10-ti për prekjen e topit në zonë [70 herë], është i treti për topat e fituar në ajër [65], i dyti për goditjet totale në portë [24] dhe i treti për goditjet me kokë në portë [7].
Sipas mediumit The Athletic, ekipi i Ole Gunnar Solskjaer pyeti në lidhje me 23-vjeçar gjatë afatit kalimtar të verës, me Evertonin që e vlerëson atë në 80 milionë funte.
Statistikat e tij do t’i pëlqejnë Solskjaerit, pasi raporti thotë se ato janë “më të larta se kushdo tjetër në United”.
Megjithatë, negociatat e menjëhershme do të jenë të vështira pasi Calvert-Lewin nënshkroi këtë vit një kontratë të re deri më 2025. /Telegrafi/