Tashmë është bërë viral në rrjetet sociale një filter, i cili po i shndërron fytyrat e njerëzve në të moshuara, duke i bërë të gjithë të qeshin.
Ndonëse po diskutohet në masë të madhe siguria kibernetike e këtij aplikacionin, prapëseprapë, ai po vazhdon të përdoret me të madhe.
Një filteri të tillë nuk i shpëtuan as shumë prej figurave publike shqiptare, shumë prej të cilëve i ndanë me fansat e tyre në rrjetet sociale këto imazhe.
Mirëpo ndryshe nga të tjerët, vendosi të veprojë reperi Stresi, i cili në vend të këtij filteri, ka provuar një tjetër që e shndërron imazhin në më “të ri”.
Këtë fotografi, ai e ndau me ndjekësit e tij në rrjetin social Instagram, duke treguar se donte të bënte diçka ndryshe nga të tjerët dhe e bëri.
“Krejt po duken të vjetër unë ende i ri, e kam ditur që jeni krejt pleq”, ka shkruar Arkimed Lushaj – Stresi në Instagram
Ndërkohë, ai ka paralajmëruar se shumë shpejt do të sjellë për fansat projektet e tij më të reja muzikore. /Telegrafi/