Për fat të keq, tanimë është konfirmuar edhe se të gjithë pasagjerët e aeroplanit të vogël Cessna kanë vdekur, pasi fluturakja është rrëzuar në Kroaci.
Ky është një ndër informatat e fundit rreth aeroplanit të vogël, i cili thuhet se kishte katër pasagjerë ishte rrëzuar të dielën në Kroaci.
Dhe tanimë, sipas mediave kroate, përcjell Telegrafi, atje kanë filluar hetimet rreth shkaktarëve të mundshëm që çuan deri te një aksident i tillë.
“Në emër të të gjitha forcave operacionale u shpreh ngushëllimet e mia familjarëve dhe miqve të viktimave”, ka thënë drejtori i Mbrojtjes Civile, Damir Trut.
Sipas tij, tashmë po zhvillohet një hetim penal dhe kryehetuesi i aviacionit do të marrë përsipër pjesën e tij të hetimit.
“Hetimi nuk ka përfunduar sot, do të marrë ende kohë”, ka thënë më tej Trut.
Ndërkohë siç raportohet më tej, vendndodhja e rënies është në Broçanac, në të djathtë të rrugës shtetërore D1 dhe fotografitë pranë vendit ku është rrëzuar aeroplani mund të shihen më poshtë. /Telegrafi/
