Reperi nga Prishtina, Besnik Canolli i njohur me emrin artistik 2po2 ka thënë se ende nuk i ka përfunduar projektet e tij për këtë verë, duke bërë të ditur se ende do të lansojë këngë.
Në një intervistë për emisionin Express të KTV-së ai ka konfirmuar se do të lansojë edhe 2 apo 3 këngë të reja me videoklip, por nuk ka bërë të ditur nëse janë bashkëpunime apo këngë solo.
“Ende do të lansoj këngë deri më 1 shtator, por nuk e di sigurt sa, garant edhe 2 ose 3 videoklipe gjatë kësaj periudhe do të publikohen”, është shprehur ai.
Kurse ka konfirmuar edhe një nga bashkëpunimet e radhës që do të jetë me Yll Limanin, diçka që e kishte konfirmuar edhe nga Ylli javë më parë.
