Të gjithë befasohen se si portieri i Brightonit nuk u ndëshkua pas ndërhyrjes shokuese ndaj Luis Diaz

Portieri i Brighton, Robert Sanchez, ishte me fat që shmangu një ndëshkim së paku me kartonë të verdhë pasi ndërhyrje frikshëm ndaj Luis Diaz në ndeshjen e sotme (e shtunë) në Ligën Premier.

Liverpooli triumfoi me rezultat 2-0 në udhëtim te Brightoni në ndeshjen e zhvilluar në ‘Amex Stadium’, të vlefshme për javën e 29-të.

Golat në këtë fitore të Reds u shënuan nga Luis Diaz në minutën e 20-të dhe Mohamed Salah në minutën e 61-të.

Lexo po ashtu Liverpooli fiton me rezultat të pastër ndaj Brightonin - vazhdon me presion ndaj Cityt

Megjithatë, një moment tek goli i parë i shënuar nga kolumbiani Diaz, ka ‘vjedhur’ gjithë vëmendjen dhe është bërë temë diskutimi në rrjetet sociale.

Diaz ishte i vetëm me portierin kundërshtar pas një asistimi të Joel Matip, por pasi goditi topin me kokë, ai u godit në gjoks dhe fytyrë nga Sanchez.

Topi i goditur nga Diaz shkoi në portë, por sulmuesi mbeti i shtrirë në tokë pas përplasjes së dhimbshme.

Incidenti u shqyrtua nga VAR-i dhe goli u lejua të qëndronte, ndërsa Sanchez shmangu një ndëshkim me karton të kuq apo së paku të verdhë për ndërhyrjen e tij të ashpër.

Çuditërisht, gjyqtari Mike Dean vendosi të mos ndëshkojë portierin e Brighton.

Ky vendim i gjyqtarit ka befasuar të gjithë, me shumë tifozë dhe njohës të futbollit që kanë komentuar në rrjetet sociale.

“Si mund të pretendojnë njerëzit që ky nuk është një i kuq”, shkroi një tifoz, ndërsa një tjetër shtoi: “Ky është një karton i kuq i qartë dhe i dukshëm dhe goli gjithashtu duhet të qëndrojë”. /Telegrafi/