Presidenti i Paris Saint-Germain, Nasser Al-Khelaifi ka refuzuar të flasë për situatën e sulmuesit të tij, Kylian Mbappe.
Mbappe ditëve të fundit është lidhur me një transferim te Real Madridi, klub i cili ka ofruar 160 milionë euro për shërbimet e tij.
Megjithatë, PSG ka refuzuar ofertën e Los Blancos dhe drejtuesit e klubit francez kanë kritikuar spanjollët për qasjen e tyre duke e cilësuar si të jashtëligjshme.
Për situatën e Mbappes dhe ofertën e Real Madridit është pyetur edhe presidenti i PSG-së, Al-Khelaifi.
“Mbappe marrëveshje me Real Madridin? Unë do të flas më vonë”.
“Tani nuk është koha e duhur, jam duke punuar. Unë do të flas më vonë”, ka thënë Al-Khelaifi për Marca.
Momenti kur Al-Khelaifi pritet të flasë është pas shortit të Ligës së Kampionëve. /Telegrafi/