Komisioni i Posaçëm për luftën kundër korrupsionin në Kuvendin e Shqipërisë do të përbëhet nga 11 anëtarë, 6 anëtarë do të jenë nga mazhoranca dhe 5 anëtarë nga opozita.
Bëhet me dije se në seancën e ditës së enjte pritet të kalojë për votim vetëm ngritja e komisionit të posaçëm dhe jo përbërja e tij.
Ende nuk dihet emri i ligjvënësit në radhët e socialistëve që do të drejtojë komisionin që pritet të ngrihet të enjten nga Kuvendi.
Ashtu sikurse, ende nuk dihet as qëndrimi që pritet të ketë opozita në lidhje me ngritjen e komisionit, pas abstenimit të rezolutës në parlament.
Partia Demokratike është shprehur qartë se nuk do ta mbështesë komisionin, pasi prek reformën në drejtësi.
Ndërkohë që grupi parlamenar i Rithemelimit ndodhet në një mbledhje ku pritet të dalë me një qëndrim të përbashkët për votën në seancës e të enjtes.
Komisioni i Posaçëm Parlamentar do të adresojë ndërmarrjen e reformave që synojnë mirëqeverisjen, sundimin e ligjit dhe antikorrupsionin për Shqipërinë 2030 në BE. /Telegrafi/