Këtë të dielë, në shoun më të madh më lojëra “Super Sfida” , pritet një shou interesant pasi që do të ndeshen ekipi i “Reperave” dhe “Rokerave”.
Në shoun më të madh garues në vend, këtë të dielë pritet një garë e jashtëzakonshme në mes “Reperave” dhe “Rokerave”, grupe në mes të cilave, siç dihet, me vite qëndron një lloj “beteje”, se kush do ta mbizotrojë skenën muzikore.
Për ekipin e “Rokerave”, do të garojë: VeliSahiti (Trix), Naim Bunjaku (Xuxi) dhe Bardh Bunjaku, ndërsa për ekipin “Reperat”, do të garojë: Getinjo, Baby Gee dhe Endri.
Element tjetër që pritet ta bëjë këtë shou më interesant, është dallimi në moshë që ekzsiton në mes anëtarëve të këtyre dy ekipeve. Derisa reperët janë të rinjë në moshë, rokerët, në katë garë, i kanë kaluar të 40-tat.
“Super Sfida”, është bërë një shoë shumë i ndjekur nga publiku në Kosovë, Shqipëri, Maqedoni, Kosovën Lindore dhe diasporë.
Ky interesim i madh i publikut, ka bërë që producenti Enis Ujkani, ta lansojë formatin “Super Sfida”, edhe në Shqipëri, me moderator dhe garues tjerë. Shumë shpejt pritet të vendoset, nga të gjitha palët që bëjnë pjesë në ndërtimin e këtij shou, se kur do të startoj ky format, në muajin qershor apo shtator të këtij viti./Telegrafi/