Thierry Henry ka kërkuar nga e gjithë skuadra e Arsenalit që të përpiqen të shënojnë gola nëse duan ta fitojnë Ligën Premier këtë sezon.
Topçinjtë kanë mbetur prapa Leicesterit dhe Tottenhamit pas humbjes prej 3-2 nga Manchester Unitedi dhe ish-legjenda e tyre mendon se ekipi nuk mund të mbështet vetëm te lojtarët e sulmit për të shënuar gola.
I pyetur rreth kontributit të Theo Walcottit deri më tani, ai ka thënë se anglezi është dashur të bënte më shumë.
“Theo është dashur të bëjë më shumë, sidomos këtë sezon. Olivier (Giroud) ka shënuar shumë gola, ndërsa tash nuk po shënon. Alexis Sanchez ka vuajtur paksa”.
“Kush ka shënuar gola kur Dwight Yorke dhe Andy Cole nuk shënonin? Kush shënonte kur Aguero nuk shënonte? Tevez, Edin Dzeko”.
“Kush shënonte gola te Arsenali kur unë kisha një periudhë të keqe? Sylvain Wiltord. Dhe mund të vazhdoj t’i përmend skuadrat që kanë fituar tituj në këtë mënyrë”, ka shpjeguar Henry duke folur për Sky Sports News HQ. /Telegrafi/