Futbollisti shqiptar i Baselit, Taulant Xhaka pritet të bëhet baba për herë të dytë.
Lajmin e lumtur e ka bërë të ditur vetë futbollisti përmes një postimi në llogarinë e tij zyrtare në Instagram.
Në fotot që ndau me ndjekës, Taulanti shihet përkrah bashkëshortes së tij, Arbnora Nuredin-Xhaka dhe djalit të tyre Klevisit.
“Dhurata më e madhe që mund t’i bëni dikujt është koha juaj, vëmendja juaj, dashuria juaj dhe një mrekulli e re”, ka shkruar Taluanti teksa mban me të dyja duart barkun e rrumbullakosur të bashkëshortes.
Ndërkohë, të shumta ishin urime nga ana e miqve dhe fansave të tij në hapësirën e komenteve.
Kujtojmë që Taulanti dhe Arbnora kurorëzuan dashurinë në janar të vitit 2020, ndërsa në mars të atij viti u bën prindër për herë të parë. /Telegrafi/