Tatuazhi i ri i Selena Gomez është edhe më epik nga sa parashikonin fansat.
Artisti i famshëm i tatuazheve, Bang Bang, tregoi pak nga një dizajn i madh në pjesën e sipërme të shpinës së këngëtares javën e kaluar, dhe tani ai ka zbuluar veprën e artit që duket si një lule e madhe me bojëra uji, që rrjedh midis teheve të saj të shpatullave.
“Faleminderit që je gjithmonë e mrekullueshme”, shkroi Bang Bang në një foto nga afër të lules rozë të ndezur përmes Instagramit të martën.
Por kjo nuk ishte e vetmja surprizë. Menjëherë pasi u dha fansave një vështrim nga afër të tatuazhit të ri të yllit, Bang Bang zbuloi se ai gjithashtu kishte një dizajn të ngjashëm në trupin e Cara Delevingne.
“U kënaqa shumë duke i bërë këto tatuazhe – faleminderit që më besuat gjithmonë Cara”, ka shkruar artisti i tatuazheve një foto të modeles. “Sa për informacion, nuk u thashë atyre deri në fund se këto ishin tatuazhet e mia të para me bojëra uji”.
Delevingne dhe Gomez, të dyja 29 vjeç, kanë qenë mikesha prej vitesh dhe së fundmi ndanë një moment të ëmbël në Kiss Cam në një lojë të New York Knicks në Madison Square Garden muajin e kaluar. /Telegrafi/