Nehat Thaçi, drejtor i Policisë së Kosovës në rajonin e Mitrovicës, po qëndron ende në paraburgim në Serbi.
Institucionet e Kosovës synojnë që lirimin e tij ta bëjnë nëpërmjet një Task Force. Krijimi i saj u mbështet edhe nga Komisioni parlamentar për Punë të jashtme i Kuvendit të Kosovës.
Por, kush e ka themeluar atë Task Forcë dhe cila është përbërja e saj, askush nuk është në gjendje të jap përgjigje të drejtë.
Tribuna Channel ka provuar të marr informacione konkrete nga kryetari i Komisionit për Punë të Jashtme, Elmi Reçica, por ai ka thënë ky komision nuk ka pasur rol në krijimin e Task Forcës dhe se këtë gjë e ka bërë Zyra e Kryeministrit. E, Faton Avdullahu, nga kabineti i kryeministrit të Isa Mustafës, thotë se kompetencat për këtë çështje i ka Ministria e Punëve të Brendshme.
