Tana Zhushi është një vajzë e vogël e apasionuar pas leximit.
Ajo deri më tani thotë se ka lexuar rreth 50 libra.
Në një rrëfim për emisionin Radar në Radio Dukagjini ajo thotë se më shumë tash lexon libra në Gjuhën Angleze.
“Unë kur lexoj një libër, nga jeta reale futem në libër dhe bëhem karakteri real i librit. Do të doja të isha personazhi i librit “Djali në fund të klasës”, tregon Tana për librin e saj të preferuar.
Ajo më pas vijon rrëfimin për librin në fjalë duke mahnitur edhe moderatoren Edita Doli.
Tana së shpejti vjen me Klubin e Leximit për fëmijë në Librarinë Dukagjini.
Të gjithë fëmijët mund t’i bashkohen Tanës në aktivitet.
Për të njohur më mire lexuesen e pasionuar pas librit, ndiqeni videon e mëposhtme.
