Ekipi i Barcelona B të dielën ka regjistruar fitore prej 2-0 kundër Atletico Levante UD, në kuadër të ligës Segunda B: Grupi III.
Në gjysmën e parë nuk pati gola, ndërsa rezultati u zhbllokua në minutën e 69-të nga Abel Ruiz.
Mirëpo, të gjithë vëmendjen e mori talenti Alex Collado, i cili e shënoi golin e dytë në minutën e 89-të të ndeshjes.
Mesfushori 20 vjeçar e mori topin në krahun e djathtë dhe me një solo aksion depërtoi në zonë dhe i kaloi mbrojtësit duke dhuruar spektakël.
Ndërsa gjithë këtë aksion të bukur e mbylli në mënyrë akoma më interesante duke shënuar me thembër. /Telegrafi/
