Ky sondazh i kryer nga faqja e internetit e turizmit “hotels.com” tregon se taksistët e Londrës, edhe pse janë më të shtrenjtit, i mposhtën rivalët e tyre në mbarë globin edhe për të tretin vit radhazi, duke grumbulluar gjithsej 59 për qind të votave në disa kategori të votuar nga udhëtarët.
Taksitë e Londrës janë votuar si më miqësorët dhe më të dijshmit. Shoferët në kryeqytetin e Anglisë duhet t’i nënshtrohen një testi rigoroz të titulluar “Mençuria” për të marrë licencën e taksistit.
Taksistët e verdhë në New York janë të dytët në radhë, duke grumbulluar vetëm 27 për qind të votave e që është 10 për qind më shumë në krahasim me vitin e kaluar, edhe pse taksistët e lagjes Manhattan të New Yorkut dhe ata të Parisit janë shpallur si më të këqijtë. Sipas pasagjerëve në New York ka më së tepërmi taksi të lirë.
Taksistët e Romës janë shpallur si shoferët më të këqij ku një nga 10 pasagjerët e anketuar mendojnë se kryeqyteti i Italisë ka taksistët më të këqij në botë sa i përket vozitjes.
Ky sondazh për “holes.com” është pjesë e “Expedia Group”, ndërsa në të janë anketuar 1900 pasagjerë ndërmjet 11-28 majit të këtij viti. /Telegrafi/