Një koment pas deklaratës së të emëruarit të Shtëpisë së Bardhë për dialogun Kosovë-Serbi, Richard Grenell, ka ardhur edhe nga një prej figurave më të larta të qeverisë amerikane.
Bëhet fjalë për një koment nga Robert O’Brien, këshilltarin për Siguri Kombëtare të presidentit amerikan Donald Trump, përcjell Telegrafi.
O’Brien, përmes rrjetit social Twitter, ka thënë se është i kënaqur që do të jetë mikëpritës i liderëve të Kosovës dhe Serbisë, bashkë me Richard Grenell në Shtëpinë e Bardhë.
“Unë jam i kënaqur të pres liderët e Serbisë dhe Kosovës me Richard Grenell në Shtëpinë e Bardhë. Shtetet e Bashkuara janë të kënaqura që këto diskutime të rëndësishme të ndodhin”, ka shkruar Robert O’Brien në Twitter.
“I am pleased to host the leaders of Serbia and Kosovo with @RichardGrenell at the White House. The United States is looking forward to these important discussions.” – NSA Robert O’Brien https://t.co/39hPbXJkXh
— NSC (@WHNSC) June 16, 2020
Ndryshe, i emëruari i Shtëpisë së Bardhë për dialogun ndërmjet Kosovës dhe Serbisë, Richard Grenell, njoftoi se qeveritë e këtyre dy vendeve janë pajtuar që të takohen më 27 qershor në Shtëpinë e Bardhë.
Përmes një postimi në Twitter, Grenell ka thënë se Serbia janë pajtuar që të pezullojnë përkohësisht fushatën e çnjohjeve të pavarësisë së Kosovës dhe për të kërkuar anëtarësime ndërkombëtare.
“Lajm i mirë. Sapo pranova angazhimin e qeverive të Kosovës dhe Serbisë për të pezulluar përkohësisht fushatën e çnjohjeve dhe për të kërkuar anëtarësime ndërkombëtare, me qëllim që të takohemi në Uashington DC, në Shtëpinë e Bardhë më 27 qershor, për të biseduar për dialogun. Nëse njëra palë nuk është e kënaqur me bisedimet e 27 qershorit, ato mund të kthehen sërish në status quo, pasi të largohen nga Uashingtoni. Siç kemi thënë vazhdimisht, ne së pari duhet të bëjnë përparim në rritjen e ekonomive. Ky është fokusi. Mirëpres këto diskutime”, kishte shkruar Grenell në Twitter. /Telegrafi/