Ndryshe nga sezonet e mëparshme, këtë sezon ka shumë këpucë me taka të larta
Feminiteti duket se po rikthehet, ne ju sjellim disa nga idetë e propozuara nga disenjatorët kryesorë të botës.
Oferta sezonale e këpucëve që do të mbathin së shpejti është shenjë romantike, ngjyrash dhe dizajni tërheqës.
Ne me padurim presim të mbathim këpucë të bukura, të zbukuruara me pigmente të forta dhe elemente të tilla si aplikime metalike.
Takat janë të ndryshme, nga ato të holla deri tek ato bllok, ndërsa nga variantet komode janë sandalet kryesore dhe dollakët,transmeton Telegrafi.
Shtëpia e modës Versace është përgatitur për sezonin veror. Donatella, e cila drejton markën, ka vënë në dukje femëroren dhe romantiken prej stinësh, duke sjellë ide të reja në ngjyra. Këtë herë bëhet fjalë për vjollcën tërheqëse në variante metalike që janë perfekte për çdo ‘party.
Diesel pëlqen inovacionin dhe përdor xhins në mënyra të ndryshme, me ta është një element thelbësor i atij stili tërheqës, rocker.
Ne shohim gjithashtu rikthimin e plastikës, siç sugjeron shtëpia e modës Valentino. Edhe pse shumë i konsiderojnë këpucët plastike si mosmirënjohëse për shëndetin, stilistët ende luajnë me këtë temë të modës. Por kur bëhet fjalë për takën, ajo me taka transparente duket fantastike, shumë futuriste.
Një dizajn i mrekullueshëm i frymëzuar nga vitet pesëdhjetë është propozuar nga Giambattista Valli, një stilist entuziast pas stileve romantike. Si pjesë e koleksionit High Fashion, ai propozoi një dizajn të dekoruar me argjend dhe harqe, ndërsa modele të ngjashme do të shohim këtë stinë edhe te shumë marka me çmime të përballueshme.
Është koha për taka të pazakonta – shtëpia e modës Loewe shpesh sjell eksperimente të modës dhe ky është një prej tyre. Këpuca është e qëndrueshme, e frymëzuar nga skulptura kreative dhe linja të papritura.
Bottega Veneta ka edhe taka të pazakonta dhe vetë modeli në fakt është një shapkë me dizajn praktik. Një këpucë e thjeshtë është e mrekullueshme për qytetin, por edhe për disa raste më formale, pikërisht për shkak të detajeve në tonalitetet e arta.
Proenza Schouler favorizon ngjyrën e arit. Dizajni rrjetë të kujton detin, verën dhe pushimet, por këto këpucë janë gjithashtu të shkëlqyera për një kombinim urban si një kostum me ngjyra të ndezura.
Stella McCartney gjithashtu ka taka dhe rripa, por me të është një këpucë shumë komode, të gjitha së bashku duket se përqafojnë këmbën. E preferuara e ekologjisë së modës sugjeron materiale të qëndrueshme dhe teknikisht inovative.
Një takë e lehtë dhe kadife janë zgjedhja e shtëpisë së modës Dior. Është një këpucë e frymëzuar nga vitet shtatëdhjetë e cila është më e dukshme se të tjerat, falë tabanit të madh. Këtë sezon do të shohim shumë modele të ngjashme që duken shumë tërheqëse dhe avangarde dhe të tërheqin vëmendjen, shpesh të dekoruara shtesë me aplikacione.
Victoria Beckham, sugjeron një dizajn me ngjyrë të verdhë. Vishni me pantallona ose pa pantallona, sugjeron stilistja, krijimet e së cilës vlerësohen si nga vajzat e biznesit, ashtu edhe nga vajzat e partisë.
Këpucët e bardha dhe të kuqe me lidhëse të frymëzuara nga forma e një korseje, janë zgjedhja e shtëpisë së modës Givenchy.
Se si të duket një vajzë kauboje e shndërruar në taka – shtëpia e modës Prada ka një ide. Për vajzat e vërteta urbane nga Perëndimi i Egër. /Telegrafi/