Ish-kryenegociatorja e Kosovës në dialogun me Serbinë, Edita Tahiri ka komentuar deklaratën e ambasadorit amerikan në Beograd, Christopher Hill.
Tahiri përmes një postimi në rrjetin social, Facebook ka thënë se deklarata e tij që kryeministri Kurti nuk ishte përgatitur mirë për dialogun, nuk është e mirë për Kosovën.
“Ambasadori amerikan Christopher Hill deklaroi se Kryeministri Kurti nuk ishte përgatitur mirë për bisedimet e Brukselit. Kjo nuk është mirë për Kosovën. Qeveria ka detyrë ti dal zot vendit e përgatitur mirë për çdo sfidë!”, ka shkruar Tahiri.
Ambasadori Hill tha se në takimin midis Kurtit dhe presidentit të Serbisë, Aleksandar Vuçiq, ky i fundit shkoi i përgatitur “për të negociuar dhe vërtetë bëri punët e shtëpisë”.
Ky takim, nën ndërmjetësimin e BE-së, përfundoi pa asnjë marrëveshje.
“Prandaj, mendoj se ata [Serbia] vërtetë tentuan që të ishin fleksibil dhe për të gjetur zgjidhje”, tha Hill. /Telegrafi/
