Sot në Komunën e Vushtrrisë janë paraqitur edhe gjashtë raste të reja me coronavirus.
Kryetari Xhafer Tahiri në RTV Dukagjini thotë se të infektuarit janë raste kontakti të rasteve të mëhershme.
“Lajmi i mirë është se sot kemi pasur nëntë të shëruar ndërsa gjashtë të tjerë kanë rezultuar negativ për herë të parë pas ritestimit”, tha ai, përcjell Telegrafi.
Tahiri thotë se situata në Vushtrri është nën kontroll dhe të gjitha rastet janë të identifikuara dhe jan nën mbikëqyrje të policisë.
“Nuk ka rrezik për përhapje të mëtejme të pandemisë”.
Kryetari i Vushtrrisë thotë se për fat të keq komunat nuk janë konsultuar për pakon ekonomike.
Ai thotë se rimëkëmbja ekonomike duhet të jetë e shpejt dhe të preken të gjitha shtresat shoqërore./Telegrafi/