Asnjëra nga katër marrëveshjet e nënshkruara në gushtin e vitit të kaluar ndërmjet Kosovës dhe Serbisë nuk po zbatohet. Kjo ka bërë që palët në nivel teknik të takohen që nga janari për t’u dakorduar për zbatim të marrëveshjeve.
Përderisa gjatë së hënës, Angelina Eichhorst drejtoresha e Departamentit për Evropën Perëndimore, Ballkanin Perëndimor dhe Turqinë në shërbimin e Politikës së Jashtme të BE-së, ka qëndruar në Serbi, nesër ajo do ta takojë ministren Edita Tahiri, e cila tashmë ka udhëtuar për Bruksel.
Në takim me Eichhorst, Tahiri do të diskutojë për bllokadën që Serbia po ia bënë zbatimit të marrëveshjes për telekomin përkatësisht kodit shtetëror telefonik, pavarësimin e KOSTT-it dhe revitalizimin e urës mbi lumin Ibër të Mitrovicës.
Takim për këtë çështje do të ketë edhe me ndërmjetësit e BE-së për marrëveshjet.
Por, takim do të ketë edhe për moszbatim të marrëveshjes për kadastrën.
Takimi i fundit mes palëve ka dështuar pasi që pala serbe kishte kërkuar që marrëveshja të zbatohet vetëm për komunitetin serb në Kosovë.