Shefi i Grupi Parlamentar të Aleancës për Ardhmërinë e Kosovës (AAK), Besnik Tahiri, ka reaguar ndaj qeverisë që nuk e ka bërë ekzekutimin e pagave për punonjësit publik.
Tahiri përmes një postimi në “Facebook”, ka kritikuar qeverinë se po shkel dinjitetin e familjeve që mezi arrijnë t’ia dalin nga muaji në muaj.
“Çfarë qeverie duhet të jetë ajo e cila guxon të dështoj në ekzekutimin e pagave, duke shkelur dinjitetin e shumë familjeve që mezi arrijnë t’ia dalin nga muaji në muaj? E kisha paralajmëruar këtë skandal. O djem, mos luani me njerëzit, mos luani me shtet! Nesër është i pari,” ka shkruar Tahiri.
