Analisti Sefer Tahiri konsideron se OBRM-PDUKM-ja dhe BDI-ja janë armiqtë më të mëdhenj të lirisë së gazetarisë, e jo Soros-i, duke i korruptuar mediat, me para shtetërore, përcjell Telegrafi Maqedoni.
Ai thotë se kjo gjë kuptohet nga fakti se në të gjitha televizionet gjenden titujt e njëjtë, që nënkupton se gjithçka prodhohet nga një qendër, që sipas tij është Qendra për komunikim e OBRM-PDUKM-së.
Edhe fondacioni Soros thotë se OBRM-ja është në një situatë pa dalje, prandaj edhe janë cak i sulmeve të kësaj partie politike. Ata thonë se në këtë periudhë të qeverisjes së OBRM-së, fondacioni ka ofruar mbështetje për arsim, shëndetësi dhe për shoqërinë civile./Telegrafi/