Tahiri: Ata që dje me hov e nisën me shtetin ligjor, sot po duan ta konfiskojnë transparencën

Nazmi Elezi

3 years ago

Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka kritikuar Qeverinë Kurti për qeverisje jo të mirë.

Tahiri, përmes një postimin në Facebook, ka thënë se ata që dje me hov e nisën me shtetin ligjor, sot po duan ta konfiskojnë transparencën. Pfizer dhe transparenca e mohuar, janë ilaçi kundër Covid – 19.

“Në asnjë vend normal, nuk kërcënohet media për publikimin e informacionit. Në vende demokratike, e drejta për t’u informuar, qëndron mbi çdo të drejtë tjetër. Ajo është absolute. Në mungesë të veprimit dhe rezultateve, nuk mund të fshihesh pas sekretit shtetëror. Përpos se kur prapa një sekreti të tillë, synohet të fshihet ndonjë agjendë e dyshimtë dhe kundër interesit të përgjithshëm, atij publik. Ata që dje me hov e nisën me shtetin ligjor, sot po duan ta konfiskojnë transparencën. Pfizer dhe transparenca e mohuar, janë ilaçi kundër Covid – 19, dhe kundër deformimeve që po i bëhen demokracisë’, ka shkruar ai.

Reagimi i Tahirit vjen pasi Prokuroria Themelore në Prishtinë ka autorizuar Policinë të iniciojë rast në drejtim të veprës penale “Zbulimi i fshehtësisë zyrtare”, pas publikimit të djeshëm në media të një informate sipas të cilës ministri i Shëndetësisë Arben Vitia ka neglizhuar nënshkrimin e kontratës me kompaninë amerikane për furnizim me vaksina anti-COVID, Pfizer dhe BioNtch. /Telegrafi/