Ka përfunduar java e 28-të në elitën e futbollit kosovar.
Drita ka marrë një fitore të madhe në udhëtim te Llapi 1-3, për të vazhduar e vetme në krye të tabelës.
Skuadra e Bekim Isufit ndodhet në krye të tabelës me 56 pikë të tubuara.
Në pozitën e dytë është Prishtina që triumfoi te Vllaznia me tri pikë më pak.
E treta mbetet Llapi me 45 pikë, ndërsa në një pozitë më poshtë është Liria me një pikë më pak.
Gjilani është ngritur pas fitores ndaj 89-shit dhe tani zë vendin e pestë me 43 pikë.
Në pjesën e poshtme të tabelës gjithashtu kanë ndodhur ndryshime.
Flamurtari ka marrë një tre pikësh të artë ndaj Vëllaznimit dhe ka dalë në pozitën e 10-të në tabelë.
Kryeqytetasit kanë 18 pikë sa ka edhe Besa në pozitën e 11-të, ndërsa e fundit mbetet Vllaznia e Pozhoranit. /Telegrafi/
