Sonte (e shtunë) do të zhvillohet nata finale e edicionit të 56-të të Këngës në Radio Televizionin Shqiptar.
Plot 14 është numri i artistëve që do të ngjiten në natën finale të festivalit, në Pallatin e Kongreseve, për të kënduar live këngët e tyre pjesëmarrëse, shkruan Telegrafi.
Ata do të shoqërohen nga orkestra e RTSH-së, ndërsa mediat dhe kritikët muzikore kanë filluar të aludojnë mbi emrin, i cili mund të shapllet fituesë.
Nga performancat e shfaqura në dy netët gjysmëfinale, rezulton se ndër artistët më të duartokitur janë Eugent Bushpepa dhe Mariza Ikonomi.
Kjo e fundit, duket të jetë pretendentja kryesore për çmimin e parë, me këngën e saj “Unë”, e cila është kompozuar nga vet këngëtarja, ndërsa tekstin e saj e ka shkruar Florian Zyka.
https://www.youtube.com/watch?v=0yc3Uymxeew
Ajo pati një paraqitje të bukur dhe të denjë para publikut shqiptar, ndërsa iu rikthye këtij festivali pas gjashtë vitesh mungesë.
Gjithsej, Mariza numëron 13 pjesëmarrje në festivalin e RTSH-së, dhe mbase është koha që pas gjithë këtyre paraqitje, të shpallet fituese, duke siguruar biletën për në “Eurovision”.
Ajo është shquar gjithmonë si njëra ndër këngëtaret më të mira shqiptare, e cila është profesioniste, teksa njeh mirë edhe kulturën dhe trendet botërore, kjo pasi një kohë të gjatë, ajo ka jetuar në Paris të Francës.
Kënga është e bukur dhe e përshtatshme për “Eurovision”, ndaj mbetet të shihet nëse do të jetë “Uni” i Marizës, fitues i edicionit të 56-të të Festivalit të Këngës në RTSH? /Telegrafi/
