Ish- portieri i Juventusit, Wojciech Szczesny, e mbajti fjalën e tij kur tha se kishte para të mjaftueshme për të refuzuar një transferim në Arabinë Saudite verën e kaluar, duke vendosur të pensionohej në vend që të pranonte një marrëveshje fitimprurëse në Lindjen e Mesme një vit më vonë.
Gardiani polak njoftoi zyrtarisht tërheqjen e tij nga futbolli profesionist të martën.
E ardhmja e Szczesnyt me bardhezinjtë u vu në dyshim pas ardhjes së Michele Di Gregorio nga Monza në fillim të kësaj vere. Për herë të parë në gjashtë sezone, ai nuk ishte i garantuar të ishte zgjedhja e parë e Juventusit.
Ai arriti një marrëveshje të ndërsjellë me klubin për të ndërprerë kontratën e tij në fillim të kësaj vere, që do të thoshte se ai ishte në gjendje të negocionte me çdo klub që dëshironte. Gjithmonë kishte një shans që ai të pensionohej një ditë nga loja e bukur.
Szczesnyt nuk i ka munguar ofertat nga Saudi Pro League gjatë 12 muajve të fundit. Raportimet verën e kaluar sugjeruan se ai mund të transferohej në Lindjen e Mesme kur Juventusi u përjashtua nga garat evropiane verën e kaluar.
Pati gjithashtu raportime në fillim të kësaj vere se atij i ishte ofruar një shumë e madhe prej 30 milionë euro për një marrëveshje dyvjeçare me një klub të paidentifikuar të Pro Ligës Saudite.
Megjithatë, ai kurrë nuk kishte gjasa t’i pranonte ato oferta, pasi ai gjithmonë ka pohuar se ai ‘nuk ka mungesë të parave’ dhe do të preferonte të fokusohej në sfidat më atraktive në Evropë. /Telegrafi/