Wojciech Szczesny mendon se Juventusi nuk është skuadër më e mirë se Roma dhe beson se mund ta fitojë titullin.
Giallorossët janë katër pikë prapa kampionit në fuqi, i cili e ka fituar Scudetton në pesë vitet e fundit.
“Objektivat e Romës? Scudetto, Europa League dhe Kupa e Italisë”, ka thënë portieri në një intervistë për Laczynaspilka.
“Roma ka ambicie dhe traditë, si edhe një skuadër të mirë. Juventusi është favorit, por Roma është një prej skuadrave që mund ta rrëzojë nga froni”.
“Të gjithë lëshojnë pikë në Serie A, madje edhe Juventusi. Nuk mendoj se Zonja e Vjetër është shumë më e mirë se Roma”, ka shtuar Szczesny. /Telegrafi/