Portieri i Arsenalit, Wojciech Szczesny, ka deklaruar se dëshiron të mbetet në Romë, pas përfundimit të huazimit të tij në fund të sezonit.
26-vjeçari kaloi në kryeqytetin italian në korrikun e kaluar pasi Arsenali transferoi Petr Cechun nga Chelsea. Ai ka pasur 31 paraqitje për Giallorossët dhe tani thotë se dëshiron të mos largohet.
“Dua të qëndroj. Nuk varet krejtësisht nga unë, kuptohet. Dua që kjo të ndodhë, dhe e di se Roma e Arsenali do të flasin për këtë, andaj të shohim çfarë do të ndodhë. Jam i lumtur që kam ndihmuar ekipin dhe synoj që të fitoj tituj me këtë klub”, ka thënë polaku për Il Messaggero, transmeton Koha.net.
Szczesny iu bashkua Arsenalit më 2006 dhe pati 181 paraqitje në të gjitha garat.