Ismail Syla, këshilltari dhe miku i presidentit Hashim Thaçi, ka treguar kohën më të mirë politike të Hashim Thaçit si dhe e ka përshkruan atë si liderë të kualitetit të lartë.
“Koha me mirë politike e Thaçit ka qenë ajo në vitin 2007 kur ai ka fituar zgjedhjet, pasi ka qëndruar për 7 vite në opozitë.Pas kësaj fitoreje atij i është hapur rruga që të jetë kryeministri i Pavarësisë dhe më pas ka fituar edhe dy herë zgjedhjet”, tha Syla në emisionin Ora e Fundit në Klan Kosova.
Syla për shefin dhe mikun e tij ka thënë se ai është një lider i kualitetit të lartë.
“Thaçi është një lider i kualitetit të lartë. Nuk është ëndërr e Thaçit që ai të bëhet ministër, kryeministër ose president. Ëndërr e tij është Kosova të integrohet në NATO dhe BE”.
Syla më tej ka treguar se çfarë kulture Thaçi i ka sjellë politikës kosovare.
“Në vitin 2000 ai e ka pranuar rezultatin zgjedhor, Thaçi ndonëse ka qenë lider i një partie i ka lëshuar rrugë Bajram Rexhepit që të bëhet kryeministër, ai ka bërë edhe koalicion me LDK-në”.
Syla ka thënë se gjëja kryesore e personalitetit të Thaçi është se ai i ka hyrë politikës për shtigje afatgjata.
“Ai me lidershipin e tij ka arritur t’i realizojë qëllimet e veta, parapa Thaçit qëndrojnë ngjarjet politike. Nuk mund të përsëritet Rambujeja, nuk mund të përsëritet shpallja e Pavarësisë, nuk mund të përsëriten të gjithë këto ngjarje”.
Syla duke iu referuar opozitës ka thënë se zgjedhjet nuk fitohen me gaz lotsjellës.
Ndërsa tha se ceremonia e sotme i ka dhënë një fytyrë europiane Kosovës, pa treguar se sa para janë shpenzuar për përgatitjen e ceremonisë së inaugurimit të Thaçit.
“Një ceremoni e tillë i bën mirë Kosovës, sot ka dal një fotografi e mirë nga Kosova”.