Prej sot, SwiftKey do të mund të shkarkohet krejtësisht pa pagesë në Android nga Google Play, pasi që kompania e cila qëndron pas aplikacionit ka thënë se është e interesuar që ta zgjerojë mundësinë e zhvillimit të aplikacionit edhe tek vendet e tjera, anembanë botës.
Më herët, përdoruesit e kanë pasur mundësinë e shkarkimit të aplikacionit, me mundësi provimi pë rnjë muaj pa pagesë, ndërsa tani, të gjitha specifikat e aplikacionit mund të përdoren pa e paguar atë fare.
Megjithatë, të gjithë ata që e kanë paguar aplikacionin për një ksoto prej 4 dollarësh, do të mund të kenë qasje të vazhdueshme në pakon premium të aplikacionit, i cili ofron edhe 10 motive të tjera ekskluzive vetëm për ata. /Telegrafi/