Tre oficerë të zbatimit të ligjit në Arkansas janë suspenduar pasi doli një video që tregonte një të dyshuar duke u rrahur vazhdimisht nga ata.
Njëri nga oficerët e godet në mënyrë të përsëritur burrin në kokë dhe madje ia përplas kokën në trotuar.
Një oficer tjetër e godet me gjunjë pas shpine, derisa i dyshuari është i shtrirë dhe mbahej nga tre oficerët, transmeton Telegrafi.
Derisa ai qëndron i shtrirë dhe rrihej nga oficerët, burri përpiqet të mbulojë kokën për t’u mbrojtur.
Videoja është parë miliona herë në rrjetet sociale dhe ka shkaktuar reagime.
Një përdorues i Twitterit përmendi rastin e George Floyd, një burrë me ngjyrë që u vra në paraburgim nga policia në vitin 2020, duke çuar në protesta në mbarë botën.
Policia e Shtetit e identifikoi personin e arrestuar si 27-vjeçarin Randall Worcester. /Telegrafi/
