Dy mjeke nga Monterrey i Meksikës, janë suspenduar dhe pritet të dalin para drejtësisë, pasi postuan fotografi me një këmbë të amputuar.
Praktikantet që ishin në fazën mbikëqyrëse, irrituan shfrytëzuesit e rrjeteve sociale, me imazhin ku shfaqeshin të buzëqeshura pranë shputës së prerë, transmeton Telegrafi.
Madje, njëra prej tyre e ka bërë edhe një ‘selfie’ ku tregon pjesën e hequr nga barku i një pacienti.
“Për shkak të dy mjekeve që vepruan jo denjësisht, nuk bën t’i hedhim poshtë 12 mijë të tjerë që janë shumë të mirë. Ato janë suspenduar dhe nuk do të kthehen deri në një vendim tjetër”, thuhet në komunikatën e institucionit shëndetësor lidhur me rastin.
Fotografitë e postuara, ku ato tregonin eksperiencën e parë në drejtimin që studiojnë, janë larguar nga llogaritë e tyre. /Telegrafi/