Surroi po merr pjesë në një Konferencë të BND-së në Berlin (Shërbimit Federal Informativ të Gjermanisë) ku, në cilësinë e panelistit, argumentoi domosdoshmërinë e njohjes së pavarësisë së Kosovës.
Në këtë paraqitje, kreu i ORA-s, Surroi, ka theksuar se Kosova është para një faze vendimtare dhe se tashmë vendi ynë është i gatshëm që të merr përgjegjësitë për të ardhmen nga data 10 dhjetor kur edhe do të shënohet përmbyllja e negociatave të udhëhequra nga Treshja.
Sipas Surroit, çështja e pavarësisë së Kosovës, nuk është as çështje emocionale as çështje simbolike, por ajo është një çështje jetike për qytetaret e Kosovës.