Stadiumi olimpik “Adem Jashari” në qytetin e Mitrovicës është zgjedhur si vendi për ndeshjen e cila do të përcaktojë edhe fituesin e trofeut të parë të sezonit në futbollin kosovar.
Skuadrat rivale, kampioni aktual i Kosovës Hysi dhe fituesi i Kupës së Kosovës, Besa, janë të kënaqur me zgjedhjen që ka bërë FFK-ja.
Komiteti Ekzekutiv i FFK-së nesër do të caktojë terminin e saktë të fillimit të këtij dueli. Janë përmendur dy alternativa, ora 16:30 dhe 17:00. Gjyqtarët të cilët do ta drejtojnë ndeshjen e Superkupës do të përcaktohen me short pak para fillimit të takimit. /Telegrafi/